/en/tr_ky-excel-2016/-checking-spelling/content/

Барак жайгашуусу жана басып чыгаруу

Сиз иш-китепти көрүү жана дайындарды оффлайн бөлүшүү үчүн аны басып чыгаргыңыз келиши мүмкүн. Сиз барактын жайгашуусун тандап алган соң, аны көрүп, Басып чыгаруу аркылуу кагазга чыгарган оңой болуп калат.

Кошумча: Биздин практикалык иш-китебибизди көчүрүп алыңыз.

Барак жайгашуусу жана басып чыгаруу жөнүндө көбүрөөк билүү үчүн төмөнкү видеону көрүңүз.

Басып чыгаруу тактасына мүмкүнчүлүк алуу үчүн:

1. Файл өтмөктү тандаңыз. Экрандын арткы көрүнүшү пайда болот.
   
2. Басып чыгарууну тандаңыз. Басып чыгаруу тактасы пайда болот.
   

Басып чыгаруу панелин колдонуу жөнүндө көбүрөөк билүү үчүн төмөнкү интерактив баскычтарын чыкылдатыңыз.

• Басып чыгаруу: Иш-китебин басып чыгаруу үчүн бул баскычты чыкылдатыңыз.
• Көчүрмөлөрү: Бул жерде сиз канча көчүрмөнү басып чыгаргыңыз келсе, нускасын тандайсыз.
• Принтер: Эгер сизде бир нече принтерлер бар болсо, сиз колдонгуңуз келгенин тандаңыз.
• Басып чыгаруу диапазону: Бул жерде сиз активдүү баракчаларды же иш-китептин бардыгын басып чыгарасызбы, аны тандаңыз.
• Салыштыруу: Эгер бир нече көчүрмөнү басып жатсаңыз аларды салыштырууну же салыштырбоону тандасаңыз болот.
• Барак Багыты: Бул жерден китеп же альбом түрүн тандап аласыз.
• Барак көлөмү: Эгер принтериңиз колдосо каалган барак көлөмүн тандасаңыз болот.
• Барак четтери: Барак четтеринин аралыктарын өзгөртүүгө болот.
• Өлчөм: Бул жерде сиз барактын өлчөмүн тандай аласыз.
• Барак тандоо:Сиз бул жерден жебени чыкылдатып, башка баракты көрсөңүз болот.
• Алдын ала көрүү тилкеси: Бул жерде сиздин барагыңыз басылып чыкканда кандай көрүнөөрүн алдын-ала көрө аласыз.
• Барак четтерин көрсөтүү / Баракты чоңойтуп-кичирейтүү: Баракты чоңойтуп-кичирейтүү Алдын ала көрүү тилкесинде иштейт. Сол жактагы Барактын четин көрсөтүү баскычы Алдын ала көрүү тилкесинде барак четтерин көрсөтөт.

Иш-китебин чыгарыш үчүн:

1. Басып чыгаруу панелине өтүп, каалаган принтерди тандаңыз.
   
2. Басылып чыга турган нускалардын санын киргизиңиз.
   
3. Зарыл болсо, кошумча орнотууларды тандаңыз.
   
4. Басып чыгарууну чыкылдатыңыз
   

Басып чыгаруу аймагын тандоо

Сиз Excel иш-китебин басып чыгаруудан мурун, кайсы маалыматты чыгарганы жатасыз, аны так билишиңиз керек. Мисалы, сиз иш-китебиңизде бир нече иш-барактары болсо, сиз алардын барын басып чыгарасызбы же жөн гана активдүү барактарды басасызбы - аны чечишиңиз керек. Кээде иш-китептин ичиндеги кичинекей гана жерди басып чыгарууну каалашыңыз мүмкүн.

Активдүү барактарды чыгарыш үчүн:

Иш-барактары тандалып турганда - алар активдүү деп саналат.

1. Басып чыгарууну каалган иш-барагын тандаңыз. Бир нече иш-барагын чыгаруу үчүн биринчи баракты чыкылдатып, баскычтоптон Ctrl баскычын басып, кармап анан каалаган иш-китептерди тандаңыз.
   
2. Басып чыгаруутилкесине өтүңүз.
3. Активдүү иш-барактарын тандаңыз.
   
4. Басып чыгаруу баскычын чыкылдатыңыз.
   

Толугу менен иш-китебин чыгарыш үчүн:

1. Басып чыгаруу тилкесине өтүңүз.
2. Бүтүндөй иш-китепти басып чыгарууну тандаңыз.
   
3. Басып чыгаруу баскычын чыкылдатыңыз.
   

Тандалган аймакты чыгарыш үчүн:

Биздин мисалда, биз Борбордук иш-барактагы мыкты 40 сатуучулар үчүн жазууларды басып чыгарабыз.

1. Сиз басып чыгаруучу уячаларды тандаңыз.
   
2. Басып чыгаруу тилкесине өтүңүз.
3. Тандалган нерсени басып чыгарууну тандаңыз.
   
4. Алдын ала көрүү панелинде чыгуучу нерсе пайда болот.
   
5. Тандоону басып чыгаруу үчүн Басып чыгаруу баскычын чыкылдатыңыз.
   

Эгер кааласаңыз басып чыгаруу аймагын белгилеп койсоңуз болот, ошондо сиз кайсы уячалар кандай басып чыгарылаарын билип турасыз. Сиз басып чыгарууну каалаган уячаларды тандаңыз, Баракча Жайгашуу өтмөгүн чыкылдатыңыз, Аймакты Басуу буйругун тандаңыз жана Басып чыгаруу аймагын белгилеңиз. Толугу менен иш-китебин басып чыгаруу үчүн басып чыгарылуучу аймакты жок кылыңыз.

Мазмунду жөнгө салуу

Учурдан пайдаланып, мазмун басылып чыккан баракта жакшы көрүлүп турушу үчүн сиз иш-китебиңизди Басып чыгаруу тилкесинен бир аз оңдоп койсоңуз болот. Басып чыгаруу панелинин бир нече куралдары бар, алар мазмунду батырууга жана жайгаштырууга жардам берет.

Барак багытын өзгөртүү үчүн:

Excel'де эки барак багыты бар: Китеп жана Альбом. Китеп багыты баракты тигинен кылат жана Альбом болсо баракты туурасынан багыттайт. Биздин мисалда, биз альбом катары жөндөйбүз.

1. Басып чыгаруу тилкесине багыттоо.
2. Каалаган багытты Барак Багыты менюсунан тандаңыз. Биздин мисалда, биз Альбом багытын тандап алабыз.
   
3. Алдын ала көрүү панелинде жаңы барак багыты көрсөтүлөт.
   

Басып чыгаруу алдында мазмунду тууралоо үчүн:

Эгер мазмундун бөлүктөрү баракка батпай калса, аны баракка баткыдай кылып оңдосо болот.

1. Басып чыгаруу панелине өтүңүз. Биздин мисалда, алдын ала көрүү панелинде биздин мазмун басып чыкканда кесилип калаарын көрө алабыз.
   
2. Өлчөмдү өзгөртүү жайылма менюдан каалаган параметрди тандаңыз. Биздин мисалда, биз Бардык тилкелерди Бир Баракка батырууну тандайбыз.
   
3. Иш-барагы бир бетке батуу үчүн жылышат.
   

Иш-барагы окуу оор болуп калат, анткени ал кичирейген, ошондуктан абдан көп маалымат бар болсо бул ыкманы колдонбой эле койгон жакшы. Биздин мисалда, биз кайра ордуна кайтабыз да Масштабды Жок кылабыз.

Аталыштарын басып чыгарууну кошуу үчүн:

Эгер иш-барагыңызда аталыштар бар болсо, аларды ар бир баракчага коюу маанилүү болуп саналат. Аталыштары жок иш-барагын окуу оор болуп калмак. Аталыштарды Басуу буйругу сизге каалган саптарды жана илкелерди ар бир бетте пайда болгондой кылып жөндөөгө жардам берет.

1. Тасмадагы Барак Жайгашуусу өтмөгүнө өтүп, Аталыштарды Басып чыгаруу буйругун тандаңыз.
   
2. Баракты жөндөө диалог кутучасы пайда болот. Бул жерден, сиз ар бир бетте кайталануучу саптарды же тилкелерди тандай аласыз. Биздин мисалда, биз сапты кайталайбыз.
3. Диалог кутусун жабуу баскычын чыкылдатыңыз.
   
4. Курсор кичинекей тандоо жебеси болуп калат. Ар бир басылган беттин жогору жагына кайталанчу саптарды тандаңыз. Биздин мисалда, биз 1-сапты тандайбыз.
   
5. 1-сап жогору жакта кайталанып туруучу Саптарга кошулду. Диалог кутусун жабуу үчүн чыкылдатыңыз.
   
6. Баракты Жөндөө диалог кутусу пайда болот. Тилкелерде да кайталоо үчүн ушундай эле процессти жасаш керек. Биздин мисалда, биз 1-сап жана А-тилкесин тандап алдык.
7. Эгертандоолоруңар менен ыраазы болсоңуз, ОК басыңыз.
   
8. Биздин мисалда, 1-сап ар бир беттин жогору жагында пайда болот, ошондой эле А-тилкеси ар бир барактын сол жагында пайда болот.
   

Баракча үзүлүшүн жөндөө үчүн:

1. Барак үзүлүшү көрүнүшүнө өзгөртүү киргизүү үчүн Барак үзүлүшү көрүнүшү буйругун чыкылдатыңыз.
   
2. Тик жана түз көк чекит сызыктар барактын үзүлүшүн түшүндүрөт. Баракча үзүлүшүн жөндөө үчүн бул чыктардын бирин чыкылдатып, сүйрөңүз.
   
3. Биздин мисалда, биз 21 жана 22-саптар ортосуна барак үзүлүшүн жөндөдүк.
   
4. Биздин мисалда, бардык барактар бирдей саптардын санын көргөзүүдө, анткени биз ошондой кылып жөндөдүк.
   

Алдын ала көрүү панелинде барак четтерин өзгөртүү:

Барактын чети бул барактын кырынан баштап мазмунга чейинки аралык. Кээде сиз маалыматтарды баракта туура жайгаштыруу үчүн барак четтерин жөндөшүңүз керек болот. Сиз Басуу тилкесинен барак четтерин өзгөртө аласыз.

1. Басып чыгаруу тилкесине өтүңүз.
2. Менюдан Барак Четтеринин аралыгын тандаңыз. Биздин мисалда, биз Ичке Четти тандайбыз.
   
3. Алдын ала көрүү тилкесинде жаңы баракча чети көрсөтүлөт.
   

Сиз барак четин өзүңүз жөндөсөңүз болот, ал үчүн Барак Четин көрсөтүү баскычын басыңыз, анан алдын ала көрүү панели аркылуу жылдыргыла.

Өзүңүздү текшериңиз!

1. Биздин практикалык иш-китебибизди ачыңыз.
2. Иш-китептин түбүндөгү East Coast өтмөгүн чыкылдатыңыз.
3. Барак жайгашуусу өтмөгүнөн Аталыштарын Басуу функциясын колдонуп, 1-сапты жогору жакта ал эми А-тилкеси сол жакта кайталануусун жөндөңүз.
4. Барак үзүлүшүн алдын ала кароо буйругун колдонуп барак үзүлүшүн 40 жана 41 саптарынын ортосуна алып келгиле.
5. Экрандын арткы көрүнүшүнөн Басуу тилкесин ачыңыз.
6. Басып чыгаруу панелинен барактын багытын Альбом кылгыла.
7. Барак четин Ичке кылып өзгөртүңүз.
8. Бардык тилкелер Бир Бетке батсын деп жөндөңүз.
9. Бүткөндөн кийин, алдын ала басуу бети ушул сыяктуу болушу керек:

   

Continue

Previous: Орфографияны текшерүү (Checking Spelling)

Next:Формулаларга киришүү (Intro to Formulas)

/en/tr_ky-excel-2016/-intro-to-formulas/content/